Landráð?

Er einhver að hvetja til landráðs

Aðildarviðræður við ESB strax

Athugasemdir

[Jón Gunnar Bjarkan, 25.10.2008 kl. 20:57]

Já alveg rosalegt landráð að leyfa íslensku þjóðinni að kjósa um örlög sín. Við erum eina þjóðin í Evrópu sem fær bara ekkert að kjósa um aðild að ESB.

[Umrenningur, 25.10.2008 kl. 22:32]

Úr hegningarlögum.

X. kafli. Landráð.
86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.
87. gr. Geri maður samband við stjórn erlends ríkis til þess að stofna til fjandsamlegra tiltækja eða ófriðar við íslenska ríkið eða bandamenn þess, án þess að verknaðurinn varði við 86. gr., þá varðar það fangelsi ekki skemur en 2 ár eða ævilangt. Sé þetta í því skyni gert að koma erlendu ríki til þess að skerða sjálfsákvörðunarrétt íslenska ríkisins á annan hátt, þá varðar það fangelsi allt að 8 árum.
88. gr. [Hver, sem opinberlega í ræðu eða riti mælir með því eða stuðlar að því, að erlent ríki byrji á fjandsamlegum tiltækjum við íslenska ríkið eða hlutist til um málefni þess, svo og hver sá, er veldur hættu á slíkri íhlutun með móðgunum, líkamsárásum, eignaspjöllum og öðrum athöfnum, sem líklegar eru til að valda slíkri hættu, skal sæta …¹⁾ fangelsi allt að 6 árum. Ef brot þykir mjög smávægilegt, má beita sektarhegningu.]²⁾

Mér sýnist 87. grein hugsanlega geta átt við hér.

Lesið ykkur til áður en þið dæmið skrif sem "innantómt bull"

(Fullvalda og sjálfstæðu) Íslandi allt.

[Jóhannes Ragnarsson, 25.10.2008 kl. 23:51]

Ójá, vissulega er verið að hvetja til landráða. Bara að þeim hefnist ekki fyrir ...

[Historiker, 26.10.2008 kl. 02:10]

XD=landráð ... LÍÚ=landráð ... XB=landráð ... heimssýn=landráð. Þ.e.a.s að ef þú ert ekki að hugsa um hvernig hag landsmanna sé best borgið, hvernig framtíð íslenskra barna sé best tryggð og hvernig mannréttindi íslendinga séu best varðveitt, þá eru landráðamaður.

[Magnús Bjarnason (IP-tala skráð) 26.10.2008 kl. 12:18]

Umrenningu, hvernig færðu þetta út? Ég verð að efast um lesskilninginn þinn. 1.msgr. 87.gr. "Geri maður samband við stjórn erlends ríkis til þess að stofna til fjandsamlegra tiltækja eða ófriðar við íslenska ríkið eða bandamenn þess,"

ESB er ekki eitt ríki heldur samband ríkja (nb.ft). Flest ríki ESB eru einnig meðlimir í NATO og því bandamenn okkar. Fjandsamleg tiltæki og ófriður eru ekki í myndinni heldur þvert á mót, að skapa frið og starfsöryggi í íslensku viðskipta- og atvinnulífi.

[Tori, 26.10.2008 kl. 13:24]

Hversvegna ESB? Við höfum EES nægir okkur. ESB hentar ekki smáþjóð. Það hefur alltaf komið sér best fyrir okkur að vera sjálfstæð þjóð.

Átta mig ekki á því hvað fólk sér við ESB.Hvað sér ASÍ sem myndi þá hafa nákvæmlega ekkert að segja.

[Jónas Tryggvi Jóhannsson, 26.10.2008 kl. 15:54]

ESB hentar ekki smáþjóð? Hefur þú heyrt um Lúxemburg eða Möltu?

EES færir okkur 80% af aðild, en hin 20% er það sem okkur vantar núna; evruna og leiðbeiningar við efnahagsstjórn sem hefur verið í molum hér síðustu 17 ár! ASÍ, SÍ, eigendur bankana, greiningardeildir, helmingurinn af ráðherrum ríkistjórnarinnar og meirihluti þjóðarinnar eru að kalla eftir Evrópusambandsaðild út af einmitt þessu! 

[Jón Gunnar Bjarkan, 26.10.2008 kl. 15:58]

Bæta má á listann hjá þér Jónas, Verkalýðsfélögunum og Samtökum iðnaðarins.

[Tori, 26.10.2008 kl. 16:25]

Jú og Írland og Ungverjaland. Þið viljið meina að aðild sé nauðsynleg til að fá leiðbeiningar. Það er allt morandi í ráðgjafafyrirtækjum um allan heim. Hafið samband við þau.

Hvað á svo að gera þegar evran springur vegna Ítalíu?

[Jónas Tryggvi Jóhannsson, 26.10.2008 kl. 19:14]

Afhverju segir þú ekki EF evran springur? Einu aðilarnir sem tala svona svartsýnt um evru og evrópusambandið er fámennur hópur hérna á Íslandi.. ég efast um að innsæji þeirra sé svo gríðarlegt að allir helstu fjölmiðlar heims hafi ekki tekið eftir þessu.

[Tori, 27.10.2008 kl. 00:16]

Lestu um þetta í bók sem heitir " The end is not nigh". Ítalir skulda þjóðarframleiðsluna og ofan á það bætast vextir. Gengisfelling þeirra gjaldmiðils ( eftir upptöku "nýju lírunar") eða afskriftir á ríkisskuldabréfum þeirra, sem lífeyrissjóðir í Þýskalandi hafa keypt eru sagðar einu leiðir þeirra útúr vandanum.

Þetta er ekki svartsýni bara raunsæ umræða. Þú átt að muna þegar útrásar víkingarnir voru flottastir og ekkert mátti segja.